บทจักกิวังสทสมปรเมนทมหาราชาภิถุติคาถา บทเจริญพระพุทธมนต์ถวายพระพร ในหลวงรัชกาลที่ 10

มหาวชิราลงฺกรโณ,        ทยฺยานํ  ปิยขตฺติโย,

มหาเตชานุภาโว  จ,        พหุสตฺถวิจกฺขโณ,

ทฬฺหํ  กตญฺญุตาฐายี,        พุทฺธาทิติพฺพคารโว,

ทยามานสสมฺปนฺโน,        สทา  การณโกวิโท,

สงฺคหานุปฺปทาเนน,        ธมฺมิการกฺขคุตฺติยา,

สพฺเพสํ  สมณานมฺปิ,        สพฺเพสํ  รฏฺฐวาสินํ,

สพฺพกิจฺจานิ  กาเรติ,        สารตฺถิกานิ  สพฺพโส,

ภูปาลตฺตกรงฺเคหิ,        อเนเกหาภิมณฺฑิโต,

เสฏฺฐสฺส  ราชภาวสฺส,        อนุรูโป  อนินฺทิโย,

ตสฺมาทานิ  นรินฺโทยํ,        สมฺปุณฺณปุญฺญปารมี,

วรมุทฺธาภิสิตฺโต  ว,        ทสโม  โหติ  ขตฺติโย,

รตนตฺตยานุภาเวน,        ราชูนํ  ปุญฺญเตชสา,

ปรเมนฺทมหาราชา,        ทีฆายุโก  นิรามโย,

วณฺณวา  พลสมฺปนฺโน,        สุขิโต  โหตุ  สพฺพทา,

รฏฺฐาภิปาลโนปายํ,        วิจารยํ  ว  โยนิโส,

รชฺชํ  ธมฺเมน  กาเรตุ,        ราชธมฺมํ  อโกปยํ,

สมฺพุทฺธสาสนํ  เสฏฺฐํ,        อุปตฺถมฺภตุ  ฐานโส,

ปปฺโปตุ  สพฺพโสตฺถิญฺจ,        สพฺพญฺจ  ชยมงฺคลํ,

จิรํ  รชฺเช  ปติฏฺฐาตุ,        สทา  ภทฺรานิ  ปสฺสตุ,

สพฺพนฺตรายโมกฺขาย,        เทวา  รกฺขนฺตุ  นํ  สทาติ  .