บทพระคาถาชินบัญชร สมเด็จพระพุฒาจารย์ (โต พฺรหฺมรํสี) วัดระฆังโฆสิตาราม กรุงเทพมหานคร

ปุตฺตกาโม  ลเภ  ปุตฺตํ,        ธนกาโม  ลเภ  ธนํ

อตฺถิ  กาเย  กายญาย,        เทวานํ  ปิยตํ  สุตฺวา

 

อิติปิ  โส  ภควา  ยมราชาโน  "ท้าวเวสสุวัณโณ"  มรณํ  สุขํ,

อรหํ  สุคโต  นโม  พุทฺธาย .

ชยาสนาคตา  พุทฺธา,        เชตฺวา  มารํ  สวาหนํ,

จตุสจฺจาสภํ  รสํ,        เย  ปิวึสุ  นราสภา,

ตณฺหงฺกราทโย  พุทฺธา,        อฏฺฐวีสติ  นายกา,

สพฺเพ  ปติฏฺฐิตา  มยฺหํ,        มตฺถเก  เต  มุนิสฺสรา,

สีเส  ปติฏฺฐิโต  มยฺหํ,        พุทฺโธ  ธมฺโม  ทวิโลจเน,

สงฺโฆ  ปติฏฺฐิโต  มยฺหํ,        อุเร  สพฺพคุณากโร,

หทเย  เม  อนุรุทฺโธ,        สารีปุตฺโต  จ  ทกฺขิเณ,

โกณฺฑญฺโญ  ปิฏฺฐิภาคสฺมึ,        โมคฺคลฺลาโน  จ  วามเก,

ทกฺขิเณ  สวเน  มยฺหํ,        อาสุํ  อานนฺทราหุลา,

กสฺสโป  จ  มหานาโม,        อุภาสุํ  วามโสตเก,

เกสนฺเต  ปิฏฺฐิภาคสฺมึ,        สุริโย  ว  ปภงฺกโร,

นิสินฺโน  สิริสมฺปนฺโน,        โสภิโต  มุนิ  ปุงฺคโว,

กุมารกสฺสโป  เถโร,        มเหสี  จิตฺตวาทโก,

โส  มยฺหํ  วทเน  นิจฺจํ,        ปติฏฺฐาสิ  คุณากโร,

ปุณฺโณ  องฺคุลิมาโล  จ,        อุปาลี  นนฺทสีวลี,

เถรา  ปญฺจ  อิเม  ชาตา,        นลาเฏ  ติลกา  มม,

เสสาสีติ  มหาเถรา,        วิชิตา  ชินสาวกา,

เอตาสีติ  มหาเถรา,        ชิตวนฺโต  ชิโนรสา,

ชลนฺตา  สีลเตเชน,        องฺคมงฺคเลสุ  สณฺฐิตา,

รตนํ  ปุรโต  อาสิ,        ทกฺขิเณ  เมตฺตสุตฺตกํ,

ธชคฺคํ  ปจฺฉโต  อาสิ,        วาเม  องฺคุลิมาลกํ,

ขนฺธโมรปริตฺตญฺจ,        อาฏานาฏิยสุตฺตกํ,

อากาเส  ฉทนํ  อาสิ,        เสสา  ปาการสณฺฐิตา,

ชินาณา  วรสํยุตฺตา,        สตฺตปฺปาการลงฺกตา,

วาตปิตฺตาทิสญฺชาตา,        พาหิรชฺฌตฺตุปทฺทวา,

อเสสา  วินยํ  ยนฺตุ,        อนนฺตชินเตชสา,

วสโต  เม  สกิจฺเจน,        สทา  สมฺพุทฺธปญฺชเร,

ชินปญฺชรมชฺฌมฺหิ,        วิหรนฺตํ  มหีตเล,

สทา  ปาเลนฺตุ  มํ  สพฺเพ,        เต  มหาปุริสาสภา,

อิจฺเจวมนฺโต,  สุคุตฺโต  สุรกฺโข,

ชินานุภาเวน,  ชิตูปทฺทโว,

ธมฺมานุภาเวน,  ชิตาริสงฺโค,

สงฺฆานุภาเวน,  ชิตนฺตราโย,

สทฺธมฺมานุภาวปาลิโต,  จรามิ  ชินปญฺชเรติ  .