บทโมรปริตร (คาถานกยูงทอง)

อุเทตยญฺจกฺขุมา  เอกราชา,

หริสฺสวณฺโณ  ปฐวิปฺปภาโส,

ตํ  ตํ  นมสฺสามิ,  หริสฺสวณฺณํ  ปฐวิปฺปภาสํ,

ตยชฺช  คุตฺตา  วิหเรมุ  ทิวสํ,

เย  พฺราหฺมณา  เวทคุ  สพฺพธมฺเม,

เต  เม  นโม  เต  จ  มํ  ปาลยนฺตุ,

นมตฺถุ  พุทฺธานํ  นมตฺถุ  โพธิยา,

นโม  วิมุตฺตานํ  นโม  วิมุตฺติยา,

อิมํ  โส  ปริตฺตํ  กตฺวา  โมโร  จรติ  เอสนา .

อเปตยญฺจกฺขุมา  เอกราชา,

หริสฺสวณฺโณ  ปฐวิปฺปภาโส,

ตํ  ตํ  นมสฺสามิ  หริสฺสวณฺณํ  ปฐวิปฺปภาสํ,

ตยชฺช  คุตฺตา  วิหเรมุ  รตฺตึ,

เย  พฺราหฺมณา  เวทคุ  สพฺพธมฺเม,

เต  เม  นโม  เต  จ  มํ  ปาลยนฺตุ,

นมตฺถุ  พุทฺธานํ  นมตฺถุ  โพธิยา,

นโม  วิมุตฺตานํ  นโม  วิมุตฺติยา,

อิมํ  โส  ปริตฺตํ  กตฺวา  โมโร  วาสมกปฺปยีติ  .